Совет за превентива против малолетничка деликвенција (СППМД) се приклучи на Мрежа 23. Сега во мрежата членуваат 17 организации.
СППМД е основана во 1996 година, а главните активности се насочени кон превенција од различните облици на асоцијално и девијантно однесување на децата и младите во Кавадарци.
Работата на СППМД главно е поделена во два сектори:
- правен сектор, кој работи на подобрување на положбата на малолетниците во рамките на системот за малолетничка правда, преку промени и подобрувања на малолетничкото законодавство, како и соодветната понатамошна имплементација;
- младински сектор, чија цел е да се организира на слободното време на младите во Кавадарци и селата во соседството, како и обезбедување на различни можности за вклучување во разни форми на неформално образование и активности.
СППМД во моментов работи со група од околу 80 млади, на возраст од 13-19 години, како и со околу 25 волонтери, на возраст од 21-35 години.
Мрежа 23 е мрежа на граѓански организации основана во 2015 година. Мрежата настојува да се поттикне јавна дебата во Република Македонија за политиките од Поглавјето 23 од пристапувањето во ЕУ, како и застапување на политики засновани на аргументи и докази. Мрежа 23 се стреми да овозможи граѓаните да имаат свој збор во клучните прашања на демократијата и владеењето на правото.
Во моментов, во Мрежа 23 учествуваат 17 граѓански организации.