Документи: Темелни права - Процедурални заштитни мерки - Право на правична судска постапка

Во анализата се сумирани податоците од мониторирањето на предметите во текот на 2016 година од областа на организираниот криминал и корупција пред Одделението за организиран криминал и корупција, предмети од значење за јавноста и избран примерок од останати коруптивни предмети, а врз основа на овие податоци ги преиспитуваме прашањата за независноста, ефикасноста и непристрасноста на македонското судство во борбата против корупцијата и организираниот криминал и процената на соодветна имплементација на кривично – правните реформи со главен фокус на новиот ЗКП

Овој извештај претставува сублимат на заклучоци и препораки врз основа на следењето на областите структурирани во Поглавјето 23 – Правосудство и темелни права. Извештајот беше подготвен во услови на длабока политичка криза како резултат на неуспешното имплементирање на Договорот од Пржино и неспроведувањето на главните негови точки поврзани со реформските приоритети што беа зацртани врз основа на Извештајот на Прибе.

Анализава ја елаборира сегашната состојба на овие два органи, а понатамуќе користи за одредување на насоките на дејстување на ИЧП, како и за одмерување на промените што би можеле да настанат. За утврдување на состојбата анализирана е легислативата со која се регулира судската власт, надлежностите на ССРМ и на Советот за утврдување факти, постапките, условите и критериумите за избор на судии, постапката за разрешување судии и нивно прераспределување, како и моменталната транспарентност и ефикасност во работењето на овие две тела. Во врска со нивното конкретно работење во практика, информациите се добиени преку контиунираното следење на седниците на ССРМ од Институтот за човекови права.