По повод склучувањето на договорите за грант во рамките на грантовата шема од проектот „Мрежа 23+“, на 27 мај 2016 година беше одржана првата работилница од овој проект. Работилницата беше наменета за организациите-грантисти и беше посветена за принципите на финансиско и административно управување со проекти финансирани од Европската Унија.
Целите на работилницата беа:
1. Презентирање на принципи за ефикасно и ефективно спроведување на проекти во согласност со ЕУ стандардите и практиките;
2. Споделување искуства од досега спроведени проекти финансирани од ЕУ;
3. Запознавање со стандардизираните процедури за водење административна и финансиска документација, известување и комуникација;
4. Справување со ризици и пречки за спроведување на проекти финансирани од ЕУ.